پاکستان نے آسٹریلیا کے خلاف پہلے ٹی 20 میچ میں ٹاس جیت کر پہلے بیٹنگ کرنے کا فیصلہ کیا ہے۔
پاکستان اور آسٹریلیا کی ٹیمیں آج لاہور کے قذافی اسٹیڈم میں تین میچوں کی سیریز کے پہلے ٹی20 میچ میں مد مقابلہ ہیں۔ میچ کا ٹاس پاکستان کے کپتان سلمان علی آغاز نے جیت کر پہلے خود بلے بازی کرنے کا فیصلہ کیا ہے۔
_
ٹاس کے موقع پر کپتان سلمان علی آغا کا کہنا تھا کہ پچ میں زیادہ باؤنس متوقع نہیں تاہم جیسے جیسے وقت گزرے گا پچ اسپنرز کو مدد فراہم کرے گی۔
آسٹریلیا کی قیادت مچل مارش کی جگہ ٹریوس ہیڈ کر رہے ہیں جب کہ جوش انگلس، مچل مارش اور مارکس اسٹوائینس میچ میں دستیاب نہیں ہیں، اس کے علاوہ پیٹ کمنز، جوش ہیزل ووڈ اور ٹم ڈیوڈ جیسے اہم کھلاڑی انجریز کے باعث ورلڈ کپ سے قبل فٹنس اور بحالی پر توجہ مرکوز کیے ہوئے ہیں جب کہ گلین میکس ویل کو اگلے ہفتے شروع ہونے والے T20 ورلڈ کپ کے پیشِ نظر آرام دیا گیا ہے۔
آسٹریلیا کی ٹیم میں 3 نئے کھلاڑی پہلی بار میدان میں اتریں گے، مہلی بیئرڈمین اور جیک ایڈورڈز ٹی 20 انٹرنیشنل میں ڈیبیو کررہے ہیں جب کہ میٹ رینشاو بھی اپنی پہلی ٹی 20 انٹرنیشنل اننگز کھیلیں گے حالانکہ وہ پہلے ٹیسٹ اور ون ڈے کرکٹ میں ملک کی نمائندگی کر چکے ہیں۔
پاکستان کی پلئینگ الیون میں صائم ایوب ،صاحبزادہ فرحان ، سلمان علی آغا ،بابر اعظم، فخر زمان ، عثمان خان، شاداب خان ،محمد نواز، شاہین آفریدی،سلمان مرزا اورابرار احمد شامل ہیں۔
آسٹریلوی ٹیم ٹریوس ہیڈ کی قیادت میں میتھیو شارٹ، کیمرون گرین ، میتھیو رنشا، کوپر کونلی، مچل اوون، جوش فلپس، جیک ایڈورڈ، زیویر بریٹ لیٹ، ایڈم زمپا اور ماہلی بیئرڈ مین پر مشتمل ہے۔
دونوں ٹیموں نے سیریز کے لیے بھرپور تیاری کی ہے اور یہ سیریز 7 فروری سے شروع ہونے والے ٹی 20 ورلڈ کپ کی تیاری کے لیے انتہائی اہم قرار دی جا رہی ہے۔
سیریز کے تمام میچ لاہور کے قذافی اسٹیڈیم میں ہوں گے، پہلا ٹی آج 20 جمعرات 29 جنوری کوکھیلا جا رہا ہے جب کہ دوسرا ٹی 20 ہفتہ 31 جنوری کو شام 10 بجے اور تیسراٹی 20 اتوار 1 فروری کو شام 10 بجے کھیلا جائے گا۔
قبل ازیں آسٹریلوی ٹیم بدھ کی صبح لاہور پہنچی تھی تاہم مہمان ٹیم کی آمد کے بعد کپتانوں سلمان علی آغا اور مچل مارش نے سیریز کی چمچاتی ٹرافی کی رونمائی کی تھی۔